Մեքսիկայի նախագահ Անդրես Մանուել Լոպես Օբրադորը հայտարարել է, որ իր կառավարությունը կխստացնի միգրացիան զսպելու միջոցները՝ ձգտելով Միացյալ Նահանգներին օգնել՝ հաղթահարելու ռեկորդային թվով մարդկանց՝ սահմանն անցնելու փորձերը:
Այս մասին տեղեկացնում է BBC-ն:
Մեքսիկայի նախագահը նման հայտարարություն է արել ԱՄՆ նախագահ Ջո Բայդենի հետ զրուցից մեկ օր անց: Զրույցի ընթացքում կողմերը համաձայնել են, որ ընդհանուր սահմանին ավելի շատ ճնշում է անհրաժեշտ, քանի որ միգրանտների ռեկորդային թիվը խաթարում է սահմանային առևտուրը:
