Լեռնային Ղարաբաղի կարգավիճակի որոշման հարցը զգայուն թեմա է հակամարտության կողմերի համար, դրա լուծման մոտավոր ժամկետ չկա: Այդ մասին այսօր լրագրողներին հայտարարել է Ռուսաստանի փոխարտգործնախարար Անդրեյ Ռուդենկոն:
«Հուսով ենք, որ դա չի հանգեցնի նոր բախումների, առավել ևս՝ արյունահեղության: Մինսկի խմբին շարունակում է վերապահվել զգալի դեր, որը կլուծի այն խնդիրները, որոնք չարտացոլվեցին [եռակողմ] համաձայնագրում», մեջբերում է ՏԱՍՍ-ը դիվանագետին:
