Վիեննայում Իրանի միջուկային ծրագրի վերաբերյալ բանակցությունները շուտով կվերսկսվեն, այսօր հայտարարել է Իրանի արտգործնախարար Հոսեյն Ամիր Աբդոլլահիյանը:
«Ինչ վերաբերում է Վիեննայում բանակցությունների շարունակմանը, պարոն Լավրովը և ես անցկացրեցինք համապատասխան խորհրդակցություններ: Ես ընդգծեցի, որ մենք այժմ ավարտում ենք դրա մասին մեր խորհրդակցությունները և շուտով կվերականգնենք մեր բանակցությունները Վիեննայում, – ասել է նա իր ռուս գործընկերոջ հետ բանակցություններից հետո կայացած մամուլի ասուլիսում:
Սեպտեմբերի 25-ին Լավրովը հայտնել էր, որ Միացյալ Նահանգները Գործողությունների համատեղ համապարփակ ծրագրի վերականգնման բանակցություններ ժամանակ չի համաձայնում գրավոր երաշխիքներ տալ, որ հաջորդ վարչակազմերը դուրս չեն գա գործարքից, հիշեցնում է Իզվեստիան:
