Թուրքիայի նախագահ Ռեջեփ Թայիփ Էրդողանը հաստատել է Պաշտպանական արդյունաբերության ոլորտում համագործակցության մասին Ադրբեջանի կառավարության և Թուրքիայի կառավարության միջև համաձայնագիրը, հայտնում է minval.az–ը:
Համաձայնագիրը ստորագրվել է 2017 թվականի հոկտեմբերի 31-ին Թուրքիայի նախագահ Ռեջեփ Թայիփ Էրդողանի Ադրբեջան այցի ընթացքում: Այցի շրջանակներում տեղի է ունեցել Ադրբեջան-Թուրքիա բարձր մակարդակի ռազմավարական համագործակցության խորհրդի վեցերորդ նիստը: Հանդիպումից հետո փաստաթղթեր են ստորագրվել: Պաշտպանական արդյունաբերության ոլորտում փաստաթուղթը ստորագրել են Ադրբեջանի պաշտպանության նախարար Զաքիր Հասանովը և այն ժամանակ Թուրքիայի ազգային պաշտպանության նախարար Նուրեթթին Չանիքլին:
