Թուրքիան պատրաստ է քննարկել ռուսական Սու-35 և Սու-57 ինքնաթիռներ ձեռք բերելու հնարավորությունը, եթե Անկարան ու Վաշինգտոնը համաձայնության չգան ամերիկյան կործանիչների մատակարարման հարցում: Այս մասին հայտարարել է Թուրքիայի պաշտպանական արդյունաբերության վարչության պետ Իսմայիլ Դեմիրը:
«Ցանկացած պահի Սու-35-ի և Սու 57-ի թեման կարող է վերաբացվել», – նշել է նա:
Ավելի վաղ Reuters-ը հայտնել էր, որ Թուրքիան ԱՄՆ-ին դիմել է 40 F-16 կործանիչների գնման համար, ինչպես նաև Անկարայի այդ տեսակի մոտ 80 ամերիկյան ինքնաթիռ արդիականացնելու համար։
