ՌԴ ԱԳՆ պաշտոնական ներկայացուցիչ Մարիա Զախարովան ապատեղեկատվություն է որակել Բալիում ՌԴ արտաքին գերատեսչության ղեկավար Սերգեյ Լավրովի հոսպիտալացման մասին լուրը։
«Մենք այստեղ՝ Ինդոնեզիայում Սերգեյ Վիկտորովիչի հետ կարդում ենք լրահոսն ու չենք հավատում մեր աչքերին․ պարզվում է՝ նա հոսպիտալացվել է։ Դա արդեն, իհարկե, ֆեյքերի բարձրագույն պիլոտաժ է»,- Տելեգրամի իր ալիքում գրել է Զախարովան։
Ավելի վաղ միջազգային մի շարք հեղինակավոր լրատվամիջոցներ գրել էին, թե, իբր, Լավրովը Բալիում հոսպիտալացվել է, որտեղ ժամանել էր նախօրեին՝ G20 գագաթնաժողովին մասնակցելու համար։
