2021-ի հուլիսի 6-9-ը Բաքվում տեղի ունեցավ ռուս-ադրբեջանական սահմանազատման համատեղ հանձնաժողովի իններորդ նիստը՝ արտաքին գործերի փոխնախարար, սահմանների և Կասպից ծովի հարցերով ԱՀ նախագահի հատուկ ներկայացուցիչ Խալաֆ Խալաֆովի և ռուս-ադրբեջանական սահմանազատման համատեղ հանձնաժողովի ռուսական պատվիրակության ղեկավար Ամիր Բիլիալիտդինովի նախագահությամբ. հայտնում են Ադրբեջանի արտաքին գործերի նախարարությունից:
«Հանդիպման ընթացքում քննարկվել են սահմանազատման գործընթացի շարունակությանը վերաբերող հարցեր, հաստատվել են դաշտային սահմանազատման աշխատանքների կազմակերպման և անցկացման համար անհրաժեշտ փաստաթղթերը: Սահմանային նշանների տեղադրումը կշարունակվի՝ համաձայն համատեղ սահմանազատման հանձնաժողովի 2021 թ․ ծրագրի։ Հանդիպումն անցկացվել է բարիդրացիության և կառուցողական երկխոսության ոգով: Համատեղ հանձնաժողովի հաջորդ նիստը կանցկացվի Ռուսաստանի Դաշնության տարածքում: Ժամկետները կհամաձայնեցվեն դիվանագիտական ուղիներով»,- նշել է ադրբեջանական արտգործնախարարությունը:
