Իսլամական հեղափոխության պահապանների կորպուսը հայտարարել է երկրի հյուսիս-արևմուտքում՝ Արևմտյան Ադրբեջանի նահանգում, ահաբեկչական խմբի ոչնչացման մասին: Այս մասին հաղորդում է «Ֆարս» լրատվական գործակալությունը, ինչպես նաև «Իրանցի լրագրողի օրագիր» Telegram-ալիքը։
Հաղորդագրության մեջ նշվում է, որ Հյուսիսարևմտյան սահմանից՝ Սալմաստի կողմից ներթափանցած և երկրի ներսում դիվերսիոն գործողություններ իրականացնել պատրաստվող զինված ահաբեկիչների խմբին վնասազերծել են Համզա Սայեդ ալ-Շահադա բազայի զինվորները՝ նրանց դարանակալելով։
Գործողության ընթացքում առգրավվել է մեծ քանակությամբ զենք-զինամթերք։
