Թուրքիայի փոխնախագահ Ֆուաթ Օքթայը տասը երկրների դեսպաններին մեղադրում է դատական գործերին միջամտելու մեջ։ Վերջիններս կոչ էին արել ազատ արձակել մարդու իրավունքների պաշտպան Օսման Կավալային:
Ավելի վաղ տասը երկրների` Կանադայի, Ֆրանսիայի, Ֆինլանդիայի, Դանիայի, Գերմանիայի, Նիդերլանդների, Նոր Զելանդիայի, Նորվեգիայի, Շվեդիայի և ԱՄՆ-ի դեսպանատները Թուրքիային կոչ էին արել ազատ արձակել Կավալային, որից հետո, ինչպես հաղորդում է Anadolu-ն, Թուրքիայի ԱԳՆ-ն կանչեց այս երկրների դեսպաններին:
Օսման Կավալան հայտնի թուրք իրավապաշտպան է, Anadolu Kültür AŞ մշակութային հիմնադրամի հիմնադիրը, որը, մասնավորապես, աջակցում է էթնիկ և կրոնական փոքրամասնությունների նախագծերին՝ հաճախ միջազգային շեշտադրմամբ։ Նա այդ թվում աջակցում է թուրք և հայ բնակչության հաշտեցմանն ու քրդական հարցի խաղաղ լուծմանը:
