Էջմիածնի «Քիմիկների» զորամասի անհետ կորած զինծառայողները հերթական բողոքի ակցիան են անցկացնում Կառավարության շենքի դիմաց։
Նրանք հանդիպում են պահանջում Նիկոլ Փաշինյանի հետ: Անհետ կորածների ծնողներն այնուհետև շարժվեցին Բաղրամայան 26, որտեղ տևական ժամանակ է աշխատում է Նիկոլ Փաշինյանը։
«Շուրջ 3 տարի է՝ մեր տղաներից լուր չունենք, ԱԱԾ-ն նորմալ չի զբաղվում, բոլոր կառույցները մոռացել են մեր երեխեքին: Նիկո՛լ Փաշինյան, պատասխան տուր մեզ։ Ոչ մեկին այսօր հետաքրքիր չի մեր երեխաների ճակատագիրը։ Մեր երեխաների թշնամին առաջին հերթին հայ պաշտոնյաններն են, իրենք տարան մեր էրեխեքին հանձնեցին, հիմա շատ լավ ապրում են, ամեն մեկի հետևից էլ շարասյուն է գնում, ինչի՞ կյանքը թանկ է։
Մենք չենք եկել ձեզանից հաց ու ջուր ուզելու, 28 տարեկան երեխա ենք տվել, փոքրիկ երեխաներ էլ ունի, էդ էրեխեքին ո՞վ է պահելու, ոչ մի պատասխան էլ չեն տալիս», – վրդովված ասաց անհետ կորած զինվորների ծնողներից մեկը
Հիշեցնենք, որ Էջմիածնի «Քիմիկների» զորամասի անհետ կորած զինծառայողները պարբերաբար բողոքի ակցիաներ են անցկացրել՝ իրենց երեխաների ճակատագրերի մասին տեղեկություն պահանջելով։ Որևէ պատկան մարմին, սակայն, այդպես էլ նրանց հարցերին հստակ պատասխաններ չի հնչեցնում։
Հավելենք, որ անհետ կորածների ծնողներն օրեր առաջ բողոքի ակցիա էին իրականացրել նաև ԱԱԾ շենքի դիմաց։
