Հայաստանի արտգործնախարարությունում տիրող իրավիճակի մասին: Մի քանի աղբյուրներից հաստատված տեղեկատվություն: Նախ, նախարար Այվազյանը հրաժարական տվեց Փաշինյանի այն խոսքերից հետո, որ Արտաքին գործերի նախարարության հետ համաձայնեցված է սահմանազատման և հողերի հանձնման վերաբերյալ դիրքորոշումը: Այվազյանը շատ կոշտ կերպով տեղը դրեց Փաշինյանին և ասաց, որ չի աշխատի ազգի դավաճանի հետ. այս մասին իր թելեգրամյան ալիքում գրում է ռուսաստանահայ մեդիամագնատ, հրատարակիչ Արամ Գաբրելյանովը։
«Այվազյանի բոլոր տեղակալները հրաժարական տվեցին այս երեկո: Հայաստանի մի քանի առանցքային դեսպաններ նույնպես կտրականապես հրաժարվել են աշխատել Փաշինյանի հետ և հրաժարական են տվել: ԱՄՆ-ում, Ֆրանսիայում, Ռուսաստանում, Եվրամիությունում, Գերմանիայում, Ավստրիայում դեսպանները հրաժարական են տվել: Կա միայն մեկ բացատրություն. ԱԳՆ աշխատակիցները կտրականապես դեմ են սահմանազատմանը, քանի դեռ Արցախի կարգավիճակը հստակորեն չի լուծվել: Ինչպես ասում են ԱԳՆ-ում, եթե Փաշինյանը դավաճանական պայմանագիր ստորագրի, Արցախի մասին կարելի է մոռանալ: Իրադարձությունների կատալիզատորը այն փաստն էր, որ Փաշինյանը որոշել է սադրանք կազմակերպել և ԱՄՆ-ին և Ֆրանսիային ներքաշել իր ինտրիգների մեջ», – գրում է Գաբրելյանովը։
Դրանից հետո նա ևս մեկ գրառում կատարեց ԱԳՆ–ի շուրջ ծավալվող իրադարձությունների վերաբերյալ։
«Թեմայի շարունակությունը՝ Հայաստանի արտաքին գործերի նախարարության վերաբերյալ: Կատաղի ճնշում է սկսվել Այվազյանի տեղակալների և բոլոր դեսպանների վրա: Սպառնալիքները օգտագործվել են ոչ միայն աշխատակիցների, այլ նաև նրանց ընտանիքի անդամների նկատմամբ: Փաշինյանի մոտ հողը այրվում է նրա ոտքերի տակ, և նա պատրաստ է ցանկացած ստորության: Ըստ Նիկոլի շրջապատից աղբյուրների՝ Փաշինյանը հիստերիկորեն զանգահարում է անվտանգության բոլոր պաշտոնյաներին և պահանջում ճնշում գործադրել Արտաքին գործերի նախարարության աշխատակիցների վրա», – նշել է Գաբրելյանովը։
Տես նաև` Հրաժարական են ներկայացրել նաև Այվազյանի տեղակալները և 6 դեսպաններ
