Հաստատվեց այն, ինչ ես մտածում էի․ շինարարները, որոնք աշխատանքներ են իրականացրել, երբ քաղաքացիները բողոքել են, փորձել են նրանց սաստել՝ իմ անունը տալով. ֆեյսբուքյան էջում հրապարակված տեսանյութում ասել է ԱԺ նախագահ Ալեն Սիմոնյանը:
«Իրական սեփականատերերին հորդորում եմ կապվել իմ գրասենյակի հետ։ Գնալու եմ յուրաքանչյուր նման դեպքի հետևից»,-նշել է նա։
Այդ հրապարակումից առաջ Ալեն Սիմանյանը մեկ այլ տեսանյութ էր տարածել՝ հայտարարելով, թե գնում է Բաղրամյան 26-ի հարևան տարածք, որտեղ էլ կփորձի պարզել` իրե՞նն են արդյոք կառուցվող շենքերը, որոնց շինարարության պատճառով էլ տեղի է ունեցել Սիլվա Կապուտիկյան փողոցի վթար-պայթյունը: Նա կոչ էր արել շենքերի «իրական տերերին» գալ դեպքի վայր, որովհետև ինքը հետամտորեն ապացուցելու է, թե ում են դրանք պատկանում:
Ինչպես արդեն հայտնել ենք, ՀՀ ՆԳՆ-ից հաղորդել են, որ մայիսի 19-ին՝ ժամը 16:02-ին, Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Սիլվա Կապուտիկյան փողոցում ավտոմեքենաներ են բախվել։
Դեպքի վայր են մեկնել հրշեջ-փրկարարներ՝ 4 մարտական հաշվարկ։
Տեղում պարզվել է, որ այրվում է 4 տրանսպորտային միջոցներ, որոնցից 3-ը՝ մարդատար, իսկ 1-ը՝ բետոնախառնիչ։
Նախնական տվյալներով տուժածներ չկան։
Հրդեհը մեկուսացվել է 16։50-ին, մարվել՝ 17։08-ին։
