Կառավարման փորձագետ Հովհաննես Ավետիսյանը գրում է. «Հաշվի առնելով իրանա-իսրայելական հակամարտության սրացումները՝ ՀԱԿ-ը կոչ է արել համախմբվել ապահովելու երկրի անվտանգությունն ու կայունությունը: Միաժամանակ կոչ է արել բողոքի ակցիաներ, ցույցեր, հավաքներ և այլն չանել:
ՀԱԿ-ը և ընդդիմադիր դիրքավորված շատ շատերը այդպես էլ «չեն կարողանում» կողմնորոշվել, Հայաստանի օրվա ռեժիմը ընդամենը վատ իշխանություն է, թե Հայաստանի իշխանությունը ուզուրպացրած օտարերկրյա, մասնավորապես թուրք-ադրբեջանական ենթակայությամբ գործող օկուպացիոն վարչախումբ:
Ինձ համար փաստ է, որ երկրորդն է: Ինձ համար նաև փաստ է, որ երբ այս իշխանության օրոք Ադրբեջանը կրկին հատի Հայաստանի սահմանը և հարձակվի, ապա դա չի լինելու օրվա իշխանության դեմ, դա լինելու է հարձակում հայ ժողովրդի դեմ՝ ի սատարումն նիկոլի իշխանության»:
