Հայաստանի Շինարարների միությունը ցավով հայտնում է, որ կյանքից հեռացել է Ռոբերտ Մնացականի Մարտիրոսյանը:
Խորհրդային տարիներին հանրապետության առաջնակարգ շինարարական տրեստներում «Գունավոր մետալուրգիայի շինարարական տրեստ,/Цверметстой/», «Երարդշին»՝ որպես շինարար իր գործունեությունն է իրականացրել, զբաղեցնելով բարձր և պատասխանատու պաշտոններ:
1977- թվականից ՀԽՍՀ մինիստրների խորհրդի գործերի կառավարիչ, իսկ 1989 թվականից ստանձնել է պետի պաշտոնը 1986 թվականին իր գործունեության շրջանակներում վերահսկել և շահագործման է հանձնել Մոսկվայում Լազարյան ճեմարանի շենքը 1991-1994 թվականներին Հ. Հ. Կառավարության գործերի կառավարիչ 1994 թվականին Հայաստանի Հանրապետության Կառավարության կողմից համակարգել է Ամենայն Հայոց Կաթողիկոս Վազգեն Առաջին Վեհափառի հուղարկավորության արարողությունը:
1994-1999 թվականներին Ռուսաստանի Դաշնության Նախագահին կից գործերի կառավարչի տեղակալ, վերահսկողության գծով, 2000-2008 թվականներին Ռուսաստանի դաշնությունում գտնվող մի շարք հեղինակավոր բիզնես և խորհրդատվություն իրականացնող ընկերությունների տնօրենների խորհրդի նախագահ 90-ական թվականներին Ռոբերտ Մարտիրոսյանը պետական կառավարման համակարգում աշխատելու տարիներին իր մեծ ներդրումն է ունեցել հատկապես մեր երկրի կենսական նշանակության տնտեսական խնդիրների կարգավորման գործում: Հանդիսացել է մի շարք կարևորագույն կառույցների պատվիրատուների ներկայացուցիչը Հայաստանում՝ այդ թվում Ամերիկյան համալսարանի և «Երևան Պլազա» բիզնես կենտրոնների:
Պետական կառավարման համակարգում, ինչպես նաև քաղաքաշինության ոլորտում ունեցած ավանդի համար Ռոբերտ Մնացականի Մարտիրոսյանը արժանացել է Հայաստանի Հանրապետության և Ռուսաստանի Դաշնության բարձրագույն պարգևների և շնորհակալագրերի: Ամենայն Հայոց Կաթողիկոս Գարեգին Բ-ի կողմից արժանացել է «Ներսես Շնորհալի» պատվավոր շքանշանին Մոսկվայի հայկական եկեղեցու կառուցման աշխատանքները համակարգելու համար:
Ռոբերտ Մարտիրոսյանը բազմաթիվ գիտական հոդվածների հեղինակ է, շինարարական գիտության և տեխնոլոգիաների զարգացման ու նորարամուծության ակտիվ ջատագովներից:
Ռոբերտ Մարտիրոսյանի հոգեհանգիստը տեղի կունենա մարտի 12-ին, Նոր Նորքի սուրբ Սարգիս եկեղեցում, 17.30-ից-20.00, իսկ հուղարկավորությունը մարտի 13-ին, ժամը 13.00-ին: