Ռուս խաղաղապահները Հայաստանից Լեռնային Ղարաբաղ՝ իրենց տները վերադարձող փախստականների ևս մի շարասյուն են ուղեկցել: Այս մասին հայտնում է ՌԴ ՊՆ-ն:
Նշվում է՝ ավտոբուսներով Երևանից Ստեփանակերտ է տեղափոխվել 235 փախստական:
Ընդհանուր առմամբ, 48 հազար 694 փախստական արդեն վերադարձել է Լեռնային Ղարաբաղ՝ իրենց մշտական բնակության վայրերը:
Ռուսաստանի խաղաղապահ զորակազմի զինծառայողներն ապահովում են քաղաքացիների անվտանգ վերադարձը մշտական բնակության վայրեր, տրամադրում են մարդասիրական օգնություն և վերականգնում քաղաքացիական ենթակառուցվածքները:
Իրականացվում է իրավիճակի շուրջօրյա մշտադիտարկում և 23 դիտակետում հրադադարի ռեժիմի պահպանման վերահսկողություն:
