Ողբերգական է, որ Հայաստանում լսում ենք հայտարարություններ, որոնք հնչում են թշնամի պետության ղեկավարների շուրթերից, ՊՆ-ի մոտ ի աջակցություն Օնիկ Գասպարյանի ակցիայի ժամանակ ասաց արևելագետ Ռուբեն Մելքոնյանը:
«Հնարավոր չէր պատեկարացնել, որ այդքան համանման, այդքան համահունչ ու նույնական կարող են լինել թշնամի պետության և ՀՀ քաղաքացիություն ունեցող որոշ շրջանակների մոտեցումներն ու հայտարարությունները», – ընդգծեց նա:Մասնագետը նաև նկատեց, որ ի պատասխան թուրքական լուտանքների՝ որևէ պետական կառույց որևէ քայլ չի անում։ «Բանակի, ԳՇ-ի հասցեին հնչող վիրավորանքները, ճակատագրի հեգնանքով իշխանության հասած շրջանակների կողմից լռության են մատնվում», – ասաց թուրքագետը։
