«Պատիվ ունեմ» նախընտրական շտաբի ներկայացուցիչ Դավիթ Հարությունյանն այսօր հրավիրված ճեպազրույցում, արձագանելով հարցին, թե ինչո՞ւ դաշինք կազմեցին ԱԱԾ նախկին տնօրեն Արթուր Վանեցյանի հետ և արդյոք հակասություններ չկան ՀՀԿ-ի և Վանեցյանի միջև, ասաց.
«Վերջին իրադարձությունները ցույց տվեցին, որ 3 տարի է, ինչ իրավապահ համակարգն անմիջականորեն ղեկավարվում է պետության ղեկին կանգնած մարդու աշխատակզմի կողմից»։
Հարությունյանի խոսքով՝ Արթուր Վանեցյանն առաջին փուլում իսկապես հավատացել է, որ նպատակները վեհ են և հավատացել է իրեն հրամցված կեղծ լուրերին, սակայն շատ արագ հասկացել է, որ դրանք ընդամենը մեկ նպատակ են հետապնդում՝ ճնշել ընդդիմախոսներին։ «Կանգ է առել, ավելին, նա կոչ է արել դադարեցնել այդ մոտեցումը, այդ վերաբերմունքը հանրությանը, որովհետև հենց այդ վերաբերմունք է, որ հանգեցրեց այն անդառնալի կորուստներին, որ ունեցանք», – նշեց Դավիթ Հարությունյանը։
