Առավոտյան ժամը 6-ն է, հենց նոր Ֆրանսիայի հրապարակում հերթական սադրանքը տեղի ունեցավ: Այս մասին Facebook-ի իր էջի ուղիղ եթերում նշեց ԱԺ «Պատիվ ունեմ» խմբակցության պատգամավոր Աննա Մկրտչյանը:
Նա նշել է. «Ինչ-որ մեկն անարգել, ոստիկանների աչքի առաջ կարողացավ ճեղքել բազմաթիվ ոստիկանների եւ կարմիրբերետավորների շղթան ու քշել վրանի վրա, որի մեջ քաղաքացիներ կային: Որեւէ հնարավորություն չկար հասկանալու, թե ինչ վնաս կարող էր հասցվել քաղաքացիներին:
Այս ամբողջ ընթացքում որեւէ ոստիկան չի ֆիքսել մեքենայի համարը, չի կարողացել այդ անօրինական գործողությունը կասեցնել: Այդ մարդը անարգել քշել է վրանի վրա: Դե պատկերացրեք, թե ինչ կլիներ քաղաքացիների հետ էդ վրանում: Հիմա փորձում են պարզել, հուսանք՝ կկարողանան այսքան բազմաթիվ տեսախցիկների մեջ այդ հարցը լուծել»,- ասաց պատգամավորը:
Աննա Մկրտչյանը նաեւ ցուցադրեց վնասված վրանը:
