Այն, ինչ տեղի է ունենում հայ-ադրբեջանական սահմանին, չի կարելի սահմանազատում և սահմանագծում անվանել: Այսօր լրագրողների հետ հանդիպման ժամանակ հայտարարեց ՀՀ ԱԱԾ սահմանապահ զորքերի նախկին հրամանատար, գեներալ-մայոր Արմեն Աբրահամյանը:
«Սահմանազատման համար պետք է միջպետական հանձնաժողովներ ստեղծել ԱԳՆ-ի ենթակայության ներքո։ Սա առաջին հերթին դիվանագիտական աշխատանք է, բայց դրան պետք է մասնակցեն նաև գեոդեզիայի ինստիտուտի աշխատակիցները։ Որքան ինձ հայտնի է, այդ հիանալի կառույցն արդեն վերացվել է։ Բայց ոչ մի դեպքում չի կարելի սահմանների ճշգրտումը թողնել զինվորականներին։ Դա հղի է անկանխատեսելի հետևանքներով»։
