Այսօր «Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանը, որը այս օրերին հրապարակում է Նիկոլ Փաշինյանի հրաժարականը պահանջող հանրահավաքների և երթերի մասնակիցների «իրական թիվը» և «ապացուցում» դա, «Հրապարակի» հետ զրույցում հայտարարել է. «Մենք ոչ միայն հրապարակում ենք թիվը, այլ տալիս ենք հնարավորություն ցանկացած մարդու՝ ստուգելու մեր տված թվի արժանահավատությունը։ Եթե ինչ-որ մեկը կասկածում է,որ մեր տված թիվը ճի՞շտ է, կարող է մտնի, քաշի այդ ֆայլը, եւ բոլոր մարդիկ հերթով համարակալված են։ Եվ ասի՝ գիտեք, այս մարդուն դուք չեք հաշվել կամ ասի՝ էս մի քանի մարդուն չեք հաշվել։ Եթե ինչ-որ մեկն ասի՝ այս մարդուն չեք հաշվել, ես հրապարակավ ներողություն կխնդրեմ»։
Վերոնշյալ հասարակական կազմակերպության տարբեր հարթակներով նշված նմանատիպ հրապարակումները բազմաթիվ են, որոնք փորձում են ցույց տալ և ապացուցել, որ հանրահավաքի մասնակիցները քիչ են, քան ներկայացվում են, հաշվում են, տարբեր անկյուններից են դիտարկում և այլ:
Այնուամենայնիվ, քանի որ Դանիել Իոաննիսյանը հայտարարել է, որ հրապարակավ ներողություն է խնդրելու, երբ ապացուցվի, որ իրենց կողմից ներկայացված լուսանկարներում որևէ մարդ չեն հաշվել:
Շատ հեռուն չգնանք. դեկտեմբերի 7-ին FIP.am-ը «Անկյունը փոխում է տեսանկյունը․ որքան մարդ է մասնակցել դեկտեմբերի 5-ի ցույցին» հրապարակման մեջ ներկայացրել էր մի լուսանկար: Նյութի հեղինակը վերցրել էր Tert.am-ի կողմից հրապարակված լուսանկարի եզրային (ստորև լուսանկարի ընդգծված մասը) հատվածը և ներկայացրել մարդկանց թվի հաշվելու մեխանիզմը:
Դանիել Իոաննիսյանը պնդում է, որ «բոլոր մարդիկ հերթով համարակալված են», կարող ենք «ֆայլը քաշել և նայել», սակայն հրապարակված միայն այս լուսանկարում մենք հաշվեցինք առնվազն 20 մարդու, որոնք ներառված չէին հաշվարկում:
Ստացվում է, որ եթե վերոնշյալ լուսանկարի ընդամենը մի փոքր հատվածում հաշվարկը չի ներառում նվազագույնը 20 մարդու, ապա կարելի է ենթադրել, որ ամբողջական լուսանկարում հաշվարկի մեջ չեն մտնում առնվազն մի քանի հազար մարդ:
Այս փաստով նաև կասկածի տակ են դրվում նշյալ կառույցի բոլոր նմանատիպ հրապարակումները, և հիմնավորում սույն հրապարակումների` ըստ քաղաքական նպատակահարմարության և ենթատեքստով ներկայացնելու փաստը:
Ուստի, սպասում ենք Դանիել Իոաննիսյանի հրապարակային ներողությանը:
Աղբյուր՝ AntiFake.am
