Սամվել Կարապետյանի ազատությունն ահաբեկում է իշխանությանը․ Գոհար Մելոյան

Սահմանադրագետ, «Մեր ձևով» շարժման անդամ Գոհար Մելոյանը գրում է․

«Սամվել Կարապետյանի ազատությունն ահաբեկում է իշխանությանը,

․անգամ տանը,

․անգամ սահմանափակումների տակ

Երեկ՝ հունվարի 16-ին ՀՀ երկու առանձին դատական ատյաններում քննվում էին ազգային բարերար Սամվել Կարապետյանի նկատմամբ խափանման միջոց կիրառելու հարցեր։

1-ը վերաքննիչ բողոք էր դեկտեմբերի 30-ի որոշման դեմ՝ տնային կալանքը կրկին կալանքով փոխարինելու պահանջով։

2-ը տնային կալանքը երկարաձգելու միջնորդություն էր, որը նիստի սկզբին փոխվեց կալանքի միջնորդության, ինչի իրավունքը ՉՈՒՆԵԻՆ։

1-ի արդյունքում, ժամը՝ 14-ի սահմաններում հայտնի դարձավ, որ տնային կալանքը վերացվում է եւ կրկին կալանք պետք է կիրառվի։

Զուգահեռ՝ իրավապահները,

․քաջատեղյակ լինելով, որ ժամը՝ 16:00-ին սկսվում է կալանքի միջնորդության քննությունը,

․ ընդհատում են այդ պահին հիվանդանոցում բժիշկների վերահսկողության տակ գտնվող Սանվել Կարապետյանի բուժումը,

․հիվանդանոցից քրեակատարողական հիմնարկ են ուղեկցում Քովիդի դեպքում, երբ, ըստ կարգի, վերջինս պետք է մեկուսացված մնար։

․Մոտ 14 ժամ ընթացավ 2-րդ նիստը ու կրկին Սամվել Կարապետյան նկատմամբ կիրառվեց տնային կալանքը, որպես խափանման միջոց։

Սխեմատիկ ոտնահարվում են մարդու հիմնարար իրավունքները, հրահանգավորվում են՝ իրավապահները եւ փորձում են ամեն գնով մեկուսացնել մեծանուն բարերարին։

Բայց անգամ մեկուսացման պայմաններում, կռիվ են տալիս Սամվել Կարապետյանի ազատության հետեւանքների հետ։

Շուրջ 7 ամիս տևած այս քննության միակ նպատակը Կարապետյանին անազատության մեջ պահելն ու նրա քաղաքական-հասարակական գործունեությանը խոչընդոտելն է։

Կարապետյանը հաղթահարելու է այս ժամանակավոր խոչընդոտները և առաջնորդելու է ուժեղ Հայաստան, որտեղ՝

․ չեն ոտնահարվում մեր ազգային արժեքները,

․ դատական ակտերն էլ զանգերով, սմսներով կամ խմբագրական հոդվածներով չեն կայացվում,

․ իսկ իրավապահ մարմիններին կաշկանդում է ՄԻԱՅՆ իրենց խիղճն ու օրենքը»։