Պենտագոնի պաշտոնյաները ծրագրում են հոկտեմբերին Ուզբեկստանի իշխանությունների հետ քննարկել երկրում ամերիկյան հակաահաբեկչական ուժերի տեղակայման հնարավորությունը. գրում է Politico-ն՝ հղում անելով ԱՄՆ Կոնգրեսի աղբյուրներին:«Օրակարգում ամենակարևորը լինելու է «հորիզոնից այն կողմ» հակաահաբեկչական ուժերի տեղակայման հնարավորությունը: Նման համաձայնագիրը հնարավորություն կտա ամերիկյան զինվորականներին ավելի լավ դիտարկելու և հարվածներ հասցնելու Աֆղանստանի թիրախներին»,- ասվում է հրապարակման մեջ:
Նախօրեին Սպիտակ տունը հայտնել էր, որ իրենք ցանկանում են նման համաձայնագրեր քննարկել Աֆղանստանին սահմանակից երկրների հետ: Կոնկրետ պայմանավորվածությունների մասին չի հաղորդվում:Ավելի վաղ ՌԴ նախագահ Վլադիմիր Պուտինը հայտարարել էր, որ ահաբեկիչներն Իրաքից ու Սիրիայից ակտիվորեն ձգվում են դեպի Աֆղանստան:
