Ֆրանսիայի Մարսել քաղաքի քաղաքապետ Բենոա Պայանի գլխավորած պատվիրակությունը մայիսի 3-ին հյուրընկալվել է Հայաստանի պատմության թանգարանում։
Պատվիրակության անդամները Հայաստանի պատմության թանգարանի տնօրեն Դավիթ Պողոսյանի ուղեկցությամբ շրջել են թանգարանի մշտական ցուցադրության սրահներում, ծանոթացան նաև «Քէմբ Օտտօ, Մարսէյլ․ պատմություն ցեղասպանությունից փրկվածներից» խորագրով ժամանակավոր ցուցադրությանը։
Շրջայցի ավարտին քաղաքապետ Բենոա Պայանը տպավորությունների մասին գրառում է կատարել թանգարանի Պատվավոր հյուրերի գրքում։
