«Իրազեկ եւ պաշտպանված սպառող» ՀԿ հիմնադիր նախագահ Բաբկեն Պիպոյանը Հայաստան-Վրաստան ֆուտբոլային խաղի մասին, որն ավարտվել է 3։0՝ հօգուտ Վրաստանի, գրել է.
Ամեն պարտություն չէ, որ պարտություն է: Սա հաղթանակ էր, քանի որ հերթական անգամ ապացուցվեց, որ մենք չենք շեղվում խաղաղության օրակարգից: Եթե հաղթեինք նաև այս անիմաստ խաղում, երկրպագուների մեջ կլիներ բախում, վրացի գործընկերները չէին լինի այսքան երջանիկ:
Իսկ եթե պարտվեինք փոքր հաշվով, ապա Վրաստան այցից առաջ կդիտարկվեինք ռևանշի սպասող, իսկ այս հաշիվը հենց խաղաղության մասին է:
Մասնակցե՛ք «կրթվելը նորաձև է» դասերին և կիմանաք՝ որն է հաղթանակը, որը՝ պարտությունը: Ի վերջո, առաջին անգամ մարզադաշտի խոտը չէր թալանվել ու դարձել պատգամավորների անասունների կեր՝ սա մեծ ձեռքբերում է: Հատիկ առ հատիկ, սանտիմ առ սանտիմ գտնելու ու վերադարձնելու ենք ողջ խոտը: Կեցցե՛ հեծանիվը, որը ոչ մի կապ չունի ֆուտբոլի հետ ու մենք քշելու ենք:
