Ընդդիմության տարբեր հատվածների միջեւ ճաքեր մտցնելու փորձերը միայն «ջուր են լցնելու կապիտուլյանտների ջրաղացին»։ Այս մասին ֆեյսբուքյան իր էջում գրել է ՀՀԿ խոսնակ Էդուարդ Շարմազանովը:
«Նպատակը կապիտուլյացիա բերած ռեժիմի հեռացումը պետք է լինի եւ վերջ,այլ ոչ թե մեղավորների փնտրտուքը,թե ինչու՞ իշխանափոխություն տեղի չունեցավ եւ ո՞վ էր դրանում «մեղավոր»։
Բոլորս ենք մեղավոր, բոլորս…
Ինչպես բոլոր քաղաքական դերակատարներն ունեիին իրենց «մեղքի բաժինը», երբ 2018թ-ին «իշխանափոխություն օպերացիան» էր իրականացվում։
Մեկիս սխալի չափը մեծ էր,մյուսինը՝ փոքր,բայց սխալական ենք բոլորս։
Ու թող առաջինը քար նետի նա ,ով անբողջությամբ անմեղ է։
Եվ քանի դեռ այս ռեժիմն իշխում է ,մենք արժանի չենք Հայաստանին։
Հաղթանակը բազում ծնողներ ունի, իսկ պարտությունը որբ է։
Կամ իշխանություն ես, կամ ընդդիմություն…երրորդը չկա։
Մեր խնդիրներն էլ, եթե լուծվեն, ապա մենք պետք է լուծենք, քանի որ այս «իշխանությունը» ձեռնտու է շատերին, բայց ոչ Հայաստանին»,- գրել է Շարմազանովը։
