2022 թվականի հուլիսի 17-ին ջերմային 2-րդ աստիճանի այրվածքով Զանգեզուրի կայազորային հոսպիտալ է ընդունվել N զորամասի պարտադիր ժամկետային զինծառայող, շարքային Պալյան Ջիվանի Պողոսյանը, տեղեկացնում են ՀՀ պաշտպանության նախարարությունից։
«Զինծառայողը նույն օրը ռեանիմոբիլով տեղափոխվել է Այրվածքաբանության ազգային կենտրոն։ Պայմանավորված տվյալ ախտահարման դեպքում հիվանդության զարգացման փուլային ընթացքով և այրվածքային ախտահարման ժամանակ հաճախակի հանդիպող հեռակա բարդություններով’ զինծառայողի առողջական վիճակում դիտարկվել է վատթարացում, ներկայումս այն գնահատվում է ծայրահեղ ծանր»,- կարդում ենք ՀՀ ՊՆ հաղորդագրությունում:
Փաստորեն, Պաշտպանության նախարարությունը հուլիսի 17-ին տեղի ունեցած դեպքի մասին տեղեկացնում է 8 օր անց՝ չնշելով ջերմային այրվածքներ ստացած ու ծայրահեղ ծանր վիճակում գտնվող զինծառայողի ծննդյան տարեթիվը:
Իսկ ինչո՞ւ է 8 օր հետո հանկարծ հաղրոդագրություն տարածում, որովհետև զինծառայողի վիճակը ծայրահեղ ծա՞նր է:
