Երևանի մետրոպոլիտենի տնօրենը հրաժարական է ներկայացրել. նոր ժպ-ն Բաբկեն Սեդրակյանն է

«Կարեն Դեմիրճյանի անվան Երևանի մետրոպոլիտեն» ՓԲԸ-ի տնօրենի ժամանակավոր պաշտոնակատար Սահակ Վարդանյանը, իր դիմումի համաձայն, ազատվել է զբաղեցրած պաշտոնից։ Այս մասին հայտնում են «Կարեն Դեմիրճյանի անվան Երևանի մետրոպոլիտեն» ՓԲԸ-ից։

«Միաժամանակ տեղեկացնում ենք նաև, որ Երևանի քաղաքապետ Հրաչյա Սարգսյանի №3009-Ա որոշման համաձայն՝ «Կարեն Դեմիրճյանի անվան Երևանի մետրոպոլիտեն» ՓԲԸ տնօրենի ժ/պ է նշանակել Բաբկեն Սեդրակյանը»,- նշված է հաղորդագրության մեջ։ 

Հիշեցնենք, Սահակ Վարդանյանը մետրոպոլիտենի ժամանակավոր պաշտոնակատար էր նշանակվել 2022 թվականի հունիսի 6-ին։