Արցախի կարգավիճակի հարցը ոչ թե նշաձող է, այլ՝ կարմիր գիծ։ Այն բարձրացնել և իջեցնել հնարավոր չէ։ Այս մասին Արցախի Հանրային հեռուստաընկերության եթերում ասել է Արցախի Հանրապետության արտաքին գործերի նախարար Դավիթ Բաբայանը՝ անդրադառնալով ԱԺ-ում Նիկոլ Փաշինյանի արած հայտարարություններին։
Դավիթ Բաբայանի խոսքով՝ Արցախի խնդիրը ոչ թե Արցախի բնակչության, այլ ողջ հայության խնդիրն է և այդ հարցում երկրորդ կարծիք լինել չի կարող:
«Մենք ունենք ոչ թե նշաձողի, այլ «կարմիր գծերի» խնդիր։ Կա «կարմիր գիծ», որը որևէ մեկն իրավունք չունի խախտելու»,- հայտարարել է Դավիթ Բաբայանն ու հավելել․ «Արցախի իշխանություններն ու ժողովուրդը միակամ են, որևէ այլ կարծիք չկա։ Սա Արցախի ժողովրդի հավաքական կարծիքն է և ոչ միայն Արցախի, յուրաքանչյուր նորմալ մարդու, յուրաքանչյուր նորմալ հայի, որ Արցախը չի լինելու Ադրբեջանի կազմում»։
