Արցախի իշխանությունները պետք է քրեական գործեր հարուցեն Նիկոլ Փաշինյանի և իշխանության այլ ներկայացուցիչների դեմ` Արցախի տարածքային ամբողջականության, անձեռնամխելիության և ինքնիշխանության դեմ քայլերի համար:Անցյալ տարվա պատերազմից հետո, երբ թշնամին արդեն ոտնձգություններ էր կատարում և ներխուժում հայկական տարածք, իշխանությունները հայտարարում էին, որ Ադրբեջանը մտել է իր սեփական տարածք: Օրինակ` սեպտեմբեր ամսին Հայաստանը և Արցախը կապիտուլացիայի հասցրած Փաշինյանը` անդրադառնալով Գորիս-Կապան ճանապարհի մի հատվածի` Ադրբեջանի վերահսկողության տակ անցնելուն, Որոտան և Նոր Առաջաձոր գյուղերն անվանել էր ադրբեջանական անուններով «Էյվազլի և Չայզամի»:Նշված տարածքների մի մասը հանդիսանում է ՀՀ-ի, մյուս մասն էլ Արցախի Քաշաթաղի շրջանի մի մասը, որը ժամանակավորապես օկուպացված է թշնամու կողմից:Փաշինայնն այնուհետև բացատրել էր, որ նման ձև է արտահայտվել, ցույց տալու, որ ադրբեջանցիները մտել են ոչ թե Հայաստանի տարածք, «այլ իրենց»:
«Ճանապարհի այդ հատվածը, փաստացի, վերահսկվում է ադրբեջանական զինված ուժերի կողմից, ադրբեջանական հատված է, խոսքը ճանապարհի հայկական հատվածի մասին չէ: Գորիս – Կապան ճանապարհահատվածն ունի երկու կտոր, որոնք ադրբեջանական կողմում են, և կարծում եմ, որ վարչապետն այս շեշտադրումներով է խոսել ստեղծված իրավիճակի մասին՝ ընդգծելու համար, որ ադրբեջանական զինված ուժերը հայկական սուվերեն տարածք չեն ներխուժել, այլ ճանապարհի այն հատվածում են, որը ադրբեջանական կողմում է»,- մանրամասնել էր ՔՊ-ական պատգամավոր Էդուարդ ԱղաջանյանըՆշված հայտարարությամբ Նիկոլ Փաշինյանը, ինչպես նաև քպ-ական պատգամավորը խախտում են Արցախի Քրեական օրենսգրքրի 313-րդ` «Տարաքծային ամբողջականությունը խախտելուն ուղղված գործողությունները» հոդվածը:Բացի Փաշինյանից նման հայտարարություններ արել են նաև այլ իշխանական չինովնիկներ: Օրինակ` օրերս ՔՊ պատգամավոր Վիգեն Խաչատրյանը հայտարարել էր, որ «Հայաստանն առանց Արցախ ապագա չունի» թեզը բավական վտանգավոր է Հայաստանի համար: Սրանք ակնհայտ լևոնտերպետրոսյանական զիջողական քաղաքականության հերթական դրսևորումներից են: Դեռևս 2018 թ. հուլիսի 31-ին, ՀՀ առաջին նախագահի Հայ ազգային կոնգրես կուսակցության անդամ Զոյա Թադևոսյանը ասել էր, որ «Արցախի ազատագրված տարածքները գրավյալ տարածքներ են, և դրանք պետք է վերադարձնել Ադրբեջանին, եթե հիմնախնդրի լուծումը դա է պահանջում»:
Դրանից հետո ՀՅԴ Արցախի ԿԿ ներկայացուցիչ Դավիթ Իշխանյանը հայտարարել էր, որ ՀԱԿ անդամի հայտարարության վերաբերյալ ՀՅԴ-ն Արցախի դատախազություն հաղորդում է ներկայացրել, որ Զ. Թադևոսյանի հայտարարությունները ըստ ԱՀ գործող օրենսդրության՝ քրեօրեն պատժելի արարք է, քանի որ դրանով հարցականի տակ է առնվել Արցախի Հանրապետության տարածքային ամբողջականությունը:Օրեր անց Զոյա Թադևոսյանը ներողություն խնդրեց:
