Ազգային ժողովը քննարկում է Վճռաբեկ դատարանի վարչական պալատի դատավորի 3 թեկնածուների ընտրության հարցը։ Բարձրագույն դատական խորհուրդը Վճռաբեկ դատարանի վարչական պալատի դատավորի թափուր տեղի համար առաջադրել է 9 թեկնածություն, այդ թվում՝ Հրաչ Այվազյանի, Արտակ Զեյանլյանի և Լիանա Հակոբյանի։
Վճռաբեկ դատարանի վարչական պալատի դատավորի թեկնածու Արտակ Զեյնալյանը ներկայացրեց իր մասնագիտական փորձառությունը։
«Ես հավասարապես պատրաստ եմ և տեսնում եմ ինձ իրացված ինչպես Վճռաբեկ դատարանի դատավորի պաշտոնում, այնպես նաև՝ Սահմանադրական դատարանի դատավորի պաշտոնում, և, պայմանավորված իրերի այս դասավորվածությամբ, այն, որ ես նաև առաջադրվել եմ Վճռաբեկ դատարանի դատավորի թեկնածու՝ անորոշ լինելով Սահմանադրական դատարանի դատավորի պաշտոնում առաջադրվելու հանգամանքը, ես ուզում եմ իմ գործընկերներին և իմ եղբորը՝ Նարեկին, ասել, որ ազատ եք, պարտավորված չեք և կաշկանդված չեք այն հանգամանքով, որ քվեաթերթիկում իմ անունը լինելու է՝ նկատի ունենալով, որ ես ավելի շատ ինձ տեսնում եմ Սահմանադրական դատարանի դատավորի պաշտոնում»,- ելույթում նշեց նա։
Արտակ Զեյնալյանի կենսագրությանը ծանոթացեք այստեղ։
