Հայաստանում զորակոչը մեկնարկել է։ Ամենաառաջին բանը, որ գալիս է մտքիդ՝ ոչ մեկը չպակասի, բարեհաջող ծառայի և տուն վերադառնա։ Այս մասին Facebook-ի իր էջում գրել է ԱԺ «Պատիվ ունեմ» խմբակցության պատգամավոր Տիգրան Աբրահամյանը:
Նա նաեւ հավելել է. «Այս ամենը զուտ ցանկություն կամ բարի խոսք չլինելու համար բանակում լուրջ փոփոխությունների անհրաժեշտություն կա, ինչի մասին ոլորտային փորձագետները վաղուց են խոսում։
Կա մի քանի գործոն, որը կապված չի փողի, ադրբեջանական սպառնալիքների և տեխնիկական խնդիրների հետ, բայց դրա ամրագրումը, վերականգնումը բանակում առանցքային նշանակություն ունի։
Դրանք են՝
1. Ոգի
2. Կամք
3. Գաղափար
4. Կարգապահություն
Առանց այս 4 կարևոր գործոնների առկայության՝ ինչ սպառազինություն, տեխնիկա կամ միջոց էլ ձեռք բերես, բանակդ խնդիր չի լուծի»։
