Կարևորելով կանանց և երիտասարդների ներգրավվածությունը համայնքի զարգացման գործում, Ապարանի համայնքապետարանը Եվրոպայի խորհրդի «Ժողովրդավարական զարգացում, ապակենտրոնացում և լավ կառավարում Հայաստանում» ծրագրի շրջանակներում,ստեղծել է երիտասարդական կենտրոն, որը գտնվում է համայնքապետարանի շենքում։
Կենտրոնի հիմնական նպատակն է համախմբել երիտասարդներին, նախաձեռնող խմբերին, համայնքի ղեկավարին կից կանանց և երիտասարդների խորհրդին և հասարակական կազմակերպություններին մեկ ընդհանուր գաղափարի շուրջ, այն է ՝ համայնքի մասնակցային զարգացումը և առաջմղումը։ Կենտրոնը օգտագործվելու է Ապարանի նախաձեռնող խմբի աշխատանքների իրականացման, հանրային քննարկումների , ավագանու նիստերի, դասընթացների և այլ հանդիպումների կազմակերպման նպատակով։
Սիրով հրավիրում ենք Ձեզ մասնակցելու կենտրոնի պաշտոնական բացմանը, որը տեղի կունենա սույն թվականի հոկտեմբերի 11-ին ժամը 15։00-ին։
