Ահազանգ. Covid19 հիվանդության դեմ օգտագործված «Ակտեմրա» դեղամիջոցի ընդհատակյա արտադրության կասկած՝ ՀՀ-ում

Փաստաբան Լուսինե Վիրաբյանը կոնկրետ քրեական գործի շրջանակներում հիմնավոր կասկածներ ունի, որ Covid19 հիվանդության դեմ օգտագործված «Ակտեմրա» դեղամիջոցը ՀՀ-ում ունի ընդհատակյա արտադրություն։ Նա այդ մասին ահազանգել է իր ֆեյսբուքյան էջում՝ նշելով. «Եթե դուք, կամ ձեր հարազատը բուժում եք ստացել Covid19 հիվանդության դեմ, և ձեր բուժման ընթացքում օգտագործվել է «Ակտեմրա» դեղամիջոցը, խնդրում եմ կապ հաստատեք ինձ հետ` 094336626 հեռախոսահամարով, էջին գրելու միջոցով, կամ մոտեցեք իմ գրասենյակ` ք. Երևան, Ազատության 24,1/1 հասցե: 700.000 դրամ արժողությամբ դեղը ձեռք է բերվել ոչ թե դեղատնից, այլ փողոցից` բառիս բուն իմաստով (քննիչին չի հետաքրքրում, թե ումից), իսկ ես ունեմ հիմնավոր կասկած, որ դեղը, որը մեծ քանակով օգտագործվել է թե զինվորների համար, թե քովիդ 19-ի բուժման նպատակով` ունի ընդհատակյա արտադրություն, որը որոշ շրջանակների ձեռնտու չէ բացահայտել: Յուրաքանչյուր ինֆորմացիա շատ կարևոր է: Լրատվամիջոցներին խնդրում եմ հնարավորինս տարածել հրապարակումս: Հրապարակումը պայմանավորված է քննչական և իրավապահ մարմինների անկարողության հետ»: