Հայաստանն արդեն հայտնել է իր մոտեցումներն Ադրբեջանի հետ խաղաղության պայմանագրի նախագծի շուրջ Բաքվից ստացված 12-րդ առաջարկի վերաբերյալ. ասաց Հայաստանի արտաքին գործերի նախարար Արարատ Միրզոյանը՝ Նիդեռլանդների արտաքին գործերի նախարար Կասպար Վելդկամպի հետ համատեղ ասուլիսի ժամանակ։
«Բաքվի հետ քննարկում ենք միջազգային հարթակներում միմյանց դեմ վեճերից հրաժարվելու հարցը։
Այո, մենք Ադրբեջանի հետ քննարկում ենք նաև այնպիսի դրույթներ, ինչպիսիք են, օրինակ, Հայաստան-Ադրբեջան միջպետական սահմանին երրորդ կողմերի ուժերի բացառումը, միմյանց նկատմամբ միջազգային իրավական հարթակներում վեճերից, հայցերից, գանգատներից հրաժարումը և, եթե համաձայնվեցվի, ստորագրվի և մտնի ուժի մեջ, այս կետերը, ինչպես և մնացած բոլոր կետերը, ենթակա են պարտադիր կատարման։
Մենք արդեն հայտնել ենք մեր մոտեցումը խաղաղության պայմանագրի վերաբերյալ ադրբեջանական 12-րդ առաջարկի մասին, և առաջիկայում ադրբեջանական կողմի հետ հնարավորություն կունենանք քննարկել այդ մոտեցումը և, ընդհանուր առմամբ, այդ համաձայնագրի ստորագրման կամ համաձայնեցման հետ կապված բոլոր հարցերը»,-ընդգծեց ՀՀ ԱԳ նախարարը։