Ամերիկացի լեգենդար միլիարդատեր Ուորեն Բաֆեթն ընտրել է Berkshire Hathaway-ի ղեկավարի պաշտոնում իր իրավահաջորդին: Այս մասին հայտնում է CNBC հեռուստաալիքը:
Փոխնախագահ Գրեգ Աբելը կզբաղեցնի նրա տեղը ընկերության ղեկավարի պաշտոնում, եթե 90-ամյա Բաֆեթի հետ ինչ-որ բան պատահի: Նման համաձայնության են եկել տնօրենների խորհրդի անդամները:
Բաֆեթի կողմից հիմնադրված Berkshire Hathaway ընկերությունը 2020 թվականի արդյունքներով 42,5 միլիարդ դոլար է վաստակել: Միեւնույն ժամանակ նախորդ տարվա սեպտեմբերին ներդրողը ամերիկյան ամենաաղքատացած հարուստների շարքում էր հայտնվել: Նա 7,3 միլիարդ դոլար էր կորցրել: Պատճառների շարքում վերլուծաբանները նշում են այն փաստը, որ Berkshire Hathaway-ը անցած հուլիսին 2,9 միլիարդ դոլար է նվիրաբերել բարեգործությանը:
News.am
