Հայաստանի ու Ադրբեջանի միջև տևական խաղաղություն ոչ միայն հնարավոր է, այլև հասանելի է, «Երևանյան երկխոսություն» երկրորդ միջազգային ֆորումի ժամանակ հայտարարեց Նիկոլ Փաշինյանը։
«Մենք վճռական ու հանձնառու ենք խաղաղության օրակագին, պատրաստ ենք շարունակել խորհրդակցություններն Ադրբեջանի հետ, թե ինչպես հասնել խաղաղության պայմանագրի ու այլ փաստաթղթերի ստորագրմանը, որոնք ամբողջովին կփոխեն իրավիճակն ու տարածաշրջանի ժողովուրդների ճակատագիը»,- նշեց նա։
Փաշինյանի խոսքով՝ Հայաստանն ամեն ինչ կանի, ինչ կախված է իրենից։
«Ի հեճուկս բոլոր սադրանքների՝ Հայաստանի ու Ադրբեջանի միջև չի լինելու պատերազմ, լինելու է խաղաղություն ու դա ինձ համար շատ միանշանակ է»,- հավելեց Փաշինյանը։
