«Մամուլում տեղ գտած տեղեկությունները, որ միտում կա դա չհապարակելու, ոչ թե հրապարակելու, չհրապարակելու մասին է, այլ հրապարակելու ձևի մասին է»,- ԱԺ-ում այս մասին ասաց Ալեն Սիմոնյանը՝ անդրադառնալով 44-օրյա պատերազմի քննիչ հանձնաժողովի զեկույց՝ ԱԺ լիագումար նիստերում քննարկման հնարավորությանը և հանձնաժողովի նախագահ Անդրանիկ Քոչարյանի այս թեմայով հայտարարություններին:
«Զեկույցը հրապարակվելու է, չի կարող չհրապարակվել, այլ հարց է, թե դա կարվի ինչ ֆորմատով: Եթե նույնիսկ դա մտներ լիագումար նիստ, որը չի կարող, բոլոր իրավական ձևակերպումերը դրա մասին են խոսում, միևնույն է դա լինելու էր փակ ֆորմատով և ես չեմ բացառում, որ կարող է լսումներ լինեն փակ ֆորմատով»,- նշեց նա ու հավելեց, որ այն չի կարող քննարկվել բաց ֆորմատով, քանի որ կան տեղեկություններ զորամասերի, զինված ուժերի մասին:
Նա առաջարկեց ուսումնասիրել կանոնակարգ օրենքը, նշեց, որ հիմա քննարկում են հարցին իրավական ձևակերպում տալ: Նշեց, որ Անդրանիկ Քոչարյանը իր ձևով է մեկնաբանում օրենքը, սակայն իրավական առումով կա հանձնման ընթացակարգ, որը տեղի չի ունեցել.«Իրավական առումով չի հանձնել, այնտեղ խնդիր կա: Լիագումար նիստեր մտցնելու իրավական հիմք չկա: Կա եզրակցության նաև ԱԺ համապատասխան ստորաբաժանումներից, քարտուղարությունից: Ես եմ որոշում կայացնողը, իմ համար որոշման հիմք է հանդիսանում օրենքը և փաստաթղթերը, իրավական առումով թող հլը հանձնի»,- ասաց նա ու հավելեց, որ իրավական հիմք չի տեսնում ոչ միայն նրա համար, որ իր մասնագիտական կարծիքով է առաջնորդվում:
Infoport.am
