Փաստաբան Ամրամ Մակինյանը ֆեյսբուքյան իր էջում տեղեկացրել է, թե ինչ բացատրություն է տվել ԱԱԾ–ում, որտեղ կանչվել էր Նիկոլ Փաշինյանի օգնական Աննա Վարդապետյանի մասին իր հայտարարությունների վերաբերյալ բացատրություն տալու համար։
«Եթե կարճ, ապա ԱԱԾ-ում բաց տեքստով ասել և նաև բացատրությամբ շարադրել եմ հետևյալը. կա՛մ Նիկոլ Փաշինյանի օգնական Աննա Վարդապետյանի համակարգմամբ գործող հանցախմբի գործունեությունը լրիվ ծավալով բացահայտում եք դուք, կա՛մ դրանով զբաղվում եմ ես՝ մանրամասն և անկեղծ նկարագրելով հանցախմբի բացահայտման իմ պլանավորած քայլերը, որոնք չեզոքացնելու համար, ի դեպ, որևէ միջոց չկա…
Սպասենք ԱԱԾ-ի արձագանքին…»,- գրել է նա։
Ավելի վաղ Մակինյանը ֆեյսբուքյան իր էջում գրել էր, որ «Փաշինյան-Վարդապետյան հանցավոր համագործակցության գործով հրավիրվել եմ ԱԱԾ բացատրություն տալու» և խոստացել ԱԱԾ–ից դուրս գալուց հետո մանրամասներ կներկայացնի։
