Ամերիկյան Johnson & Johnson ընկերության կողմից մշակված կորոնավիրուսային պատվաստանյութն առաջացրել է կայուն իմունային պատասխան առաջին և երկրորդ փուլերի կլինիկական փորձարկումների ընթացքում:
MedRxiv էլեկտրոնային գիտական գրադարանի կայքում հրապարակված տվյալների համաձայն, թեստերին մասնակցել է 800 մարդ՝ բաժանված երկու խմբի: Առաջինում ընդգրկված էին 18-ից 55 տարեկան, իսկ երկրորդում՝ 65-ն անց մարդիկ: Ստացված արդյունքները նախնական են և դեռ չեն հաստատվել անկախ փորձագետների կողմից:
Գիտնականները պարզել են, որ COVID-19-ի հակամարմինները պատվաստումից 29 օր անց հայտնվել են կլինիկական հետազոտությունների մասնակիցների 99%-ի մոտ: Կողմնակի ազդեցությունները, ներառյալ ջերմությունը, մարմնի ցավը, թուլությունը, գլխացավը, եղել են թեթևից միջին և անցել են մեկից երկու օրվա ընթացքում: Մասնագետները շեշտում են, որ փորձարկումների արդյունքները թույլ են տալիս շարունակել պատվաստանյութի մշակումը:
Wildberries-ը նվազեցնում է միջնորդավճարը այն վաճառողների համար, ովքեր ապահովում են արագ առաքում մինչև գնորդ
Johnson & Johnson-ի COVID-19-ի պատվաստանյութն առաջացնում է կայուն իմունիտետ
Համանման Հոդվածներ
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2025 «ԱԶԳ» վերլուծական