Տեխասի էլեկտրացանցերի մեծ մասը, որոնք փետրվարյան ցրտերին փաստացի դուրս եկան շահագործումից, այժմ չեն կարողանում հաղթահարել ամռան տապը: Այս մասին հաղորդում է Newsweek ամսագիրը՝ վկայակոչելով ERCOT-ի տվյալները, որը Տեխասի էլեկտրական ցանցի խոշորագույն օպերատորն է և սպասարկում է նահանգի բնակչության շուրջ 90%-ին:
Ամռան առաջին ամսվա ընթացքում ընկերությունը հաղորդել է էլեկտրաէներգիայի 1280 վթարային անջատման մասին ամբողջ նահանգում: Միայն հունիսի 14-18-ը ընկած ժամանակահատվածում 97 էլեկտրակայանի էլեկտրամատակարարման 224 չծրագրված ընդհատումներ են եղել: Դրանց երկու երրորդի շահագործման խնդիր է եղել նաև անցյալ փետրվարին:
Նահանգապետ Գրեգ Էբոտը խոստացել է հետաքննել ամառային ընդհատումների պատճառները, բայց նաև նշել է, որ մտադիր է հույսը դնել «էլեկտրաէներգիայի արտադրության հուսալի աղբյուրների» ՝ գազի, ածուխի և միջուկային վառելիքի վրա:
