Մինչ այս պահը, ի՞նչ է հայտնի Իսրայելի՝ Իրանի վրա հարձակումից

*Հունիսի 13-ի գիշերը Իրանի վրա հարձակման  հետևանքով զոհվել է առնվազն 20 բարձրաստիճան հրամանատար. հաղորդում է Reuters-ը՝ հղում անելով երկու աղբյուրի։

*Թեհրանի բնակելի թաղամասերի վրա Իսրայելի կողմից իրականացված հարձակումների հետևանքով զոհվել է 78 մարդ, վիրավորվել՝ 329-ը, հաղորդում է Fars լրատվական գործակալությունը։

*Իսրայելը շարունակում է հարվածներ հասցնել։ Իրանի պետական ​​հեռուստատեսության հաղորդմամբ՝ հունիսի 13-ի կեսօրին Նաթանզ քաղաքում գտնվող ուրանի հարստացման գործարանը կրկին հարձակման է ենթարկվել։

*Իրանական լրատվամիջոցները նաև հաղորդել են Թավրիզ, Կասրե Շիրին և Կանգավար քաղաքներին հասցված հարվածների մասին: Իսրայելի արտաքին գործերի նախարար Գիդեոն Սաարը հայտարարել է, որ Իրանի դեմ գործողությունը կշարունակվի:

*Իրանի զինված ուժերի գլխավոր շտաբը հայտարարել է, որ Իսրայելը հատել է բոլոր կարմիր գծերը, և Թեհրանը որևէ սահմանափակում չունի պատասխան հարվածի համար։ Հունիսի 13-ի առավոտյան Իսրայելի ուղղությամբ մարտական ​​անօդաչու թռչող սարքեր են արձակվել։

*Իրանի նախագահ Մասուդ Փեզեշքիանը հայտարարել է, որ իր երկրի վրա հարձակվելու գինը կլինի  «ուժեղ պատասխանը», որը «կստիպի Իսրայելին զղջալ իր արածի համար»։

Կարդացեք նաև՝ Իրանը վճռականորեն կգործի՝ պատասխանելու ագրեսիային, պաշտպանելու երկրի տարածքային ամբողջականությունը. Փեզեշքիան

Արաղչին ՄԱԿ-ից պահանջել է Իսրայելին պատժելու կոնկրետ գործողություններ ձեռնարկել. IRNA