Ուկրաինայի նախագահ Զելենսկին նոր կոչով է հանդես եկել, որում քննադատել է ՆԱՏՕ-ի երկրներին՝ թափված արյան համար։
«Իմանալով, որ նոր հարվածներն ու զոհերն անխուսափելի են, ՆԱՏՕ-ն գիտակցաբար որոշում կայացրեց չփակել Ուկրաինայի երկինքը»,- ասել է նա։ «Այս օրվանից մեր ժողովուրդը կմահանա նաև ձեր պատճառով»,- հավելել է ուկրաինացի նախագահը։
«Այն ամենը, ինչ դաշինքը կարողացել է անել այսօր, Ուկրաինայի համար 50 տոննա դիզվառելիք փոխանցելն էր իր գնումների համակարգով: Հավանաբար, որպեսզի այրենք Բուդապեշտի հուշագիրը»,- դժգոհել է տարիների ի վեր Արևմուտքի վրա հույս դրած Ուկրաինայի ղեկավարը։
Զելենսկին կասկած է հայտնել, որ ՆԱՏՕ-ն կարող է պաշտպանել ցանկացածին, այդ թվում՝ անգամ դաշինքի երկրներին։
«Այսօր Դաշինքի ղեկավարությունը կանաչ լույս է վառել ուկրաինական քաղաքների և բնակավայրերի ռմբակոծման համար՝ հրաժարվելով ոչ թռիչքային գոտի ստեղծելուց և երկինքը փակելուց։ Մեր ընդհանուր Եվրոպայի, մեր ընդհանուր ազատության, մեր ընդհանուր ապագայի համար թափված մեր արյան լիտրերի դիմաց դուք չեք վարձահատույց լինել լիտրերով վառելիքով»,- զայրացած հայտարարել է նա։
