Հնդիկ զինծառայողները կմասնակցեն Շանհայի համագործակցության կազմակերպության (ՇՀԿ) անդամ երկրների Pabbi-Antiterror-2021 բազմազգ հակաահաբեկչական զորավարժություններին, որոնք կսկսվեն հոկտեմբերի 3-ին Պակիստանում: Այդ մասին հինգշաբթի հայտնել է The Times of India-ն՝ վկայակոչելով աղբյուրներ:
Աղբյուրները հայտնում են, որ առաջին անգամ հնդկական զորքերը կմասնակցեն Պակիստանում անցկացվող զորավարժություններին:
Հնդկաստանի կառավարությունը գտնում է, որ Պակիստանում անցկացվող զորավարժություններին իր մասնակցությունը ոչ մի կերպ չի հակասում Պակիստանից անդրսահմանային ահաբեկչությանը վերջ դնելու վերաբերյալ Հնդկաստանի պահանջներին։
