ԱՄՆ նախկին նախագահ Դոնալդ Թրամփի ելույթը Ֆլորիդայի Օրլանդո քաղաքում ցույց կտա նրա կենտրոնական դերը Հանրապետական կուսակցությունում, և որ նա իրականում 2024-ի նախագահական ընտրություններում հանրապետականների «ամենահավանական թեկնածուն» է: Այս մասին հաղորդում է Axios պորտալը:
Թրամփի խորհրդականներից մեկը «ուժի ցուցադրում» է անվանել առաջիկա ելույթը, որը կլինի Թրամփի առաջին հրապարակային ելույթը Միացյալ Նահանգների նախագահի պաշտոնավարման ավարտից ի վեր: Ըստ նրա, նախկին նախագահի ելույթի հիմնական ուղերձը կլինի այն, որ ինքը մինչև հիմա գլխավորում է կուսակցությունը՝ չնայած այն հանգամանքին, որ ընտրություններում կրած պարտությունից հետո ստիպված էր լքել Սպիտակ տունը:
