ԱՄՆ նախագահ Դոնալդ Թրամփը հայտարարել է, որ իր իշխանության գալուց առաջ ԱՄՆ-ում մոտ 25 միլիոն մարդ անօրինական ճանապարհով մուտք է գործել երկիր։
«Մենք սահման չունեինք, մենք աղետի մեջ էինք։ Նրանք միլիոններով էին գալիս։ Ես խոսում եմ 25 միլիոն մարդու մասին։ Դուք խոսում եք ավելի փոքր թվի մասին, բայց ես խոսում եմ 25 միլիոն մարդկանց մասին, ովքեր անօրինական կերպով են մտել։
«Այժմ նրանցից շատերը հեռացել են։ Մենք ունեցել ենք ավելի քան 11,000 մարդասպան։ Մենք նրանցից շատերին արտաքսել ենք։ Այս մարդկանցից շատերը դուրս են բերվել երկրից, վերադարձվել այնտեղ, որտեղից եկել են, իսկ որոշ դեպքերում՝ բանտարկվել, քանի որ նրանք շատ վտանգավոր են», – ասել է ԱՄՆ նախագահը։
Թրամփը բազմիցս պաշտպանել է ավելի խիստ ներգաղթային քաղաքականություն: Իր պաշտոնավարման արարողությունից անմիջապես հետո նա ստորագրել է հրամանագիր՝ ԱՄՆ-Մեքսիկա սահմանին արտակարգ դրություն հայտարարելու մասին: Նախագահը հայտարարել է ամերիկյան պատմության մեջ անօրինական ներգաղթյալների ամենամեծ արտաքսման գործողությունն իրականացնելու իր մտադրության մասին:
