ԱՄՆ նախկին նախագահ Դոնալդ Թրամփը հայտարարել է, որ շահագրգռված չէ 2022 թվականին առաջադրվել ԱՄՆ Ներկայացուցիչների պալատի խոսնակի պաշտոնում:
«Ես լսել եմ այդ մասին խոսակցություններ, և դրանք ավելի ու ավելի շատ են: Բայց դա այն չէ, ինչը ես քննության կառնեի: Բայց այդ մասին իրոք շատ է խոսվում», ասել է նա երկուշաբթի ամերիկյան America’s Voice հեռուստաալիքի եթերում:
Կոնգրեսի ընտրություններին Թրամփի մասնակցության շուրջ շահարկումները, որից հետո նա կարող էր ստանձնել խորհրդարանի ստորին պալատի խոսնակի պաշտոնը, տարածում գտան հունիսի սկզբին: Այդ սցենարը թույլ կտար հանրապետականներին կարևոր դիրք զբաղեցնել իշխանության բաշխման ամերիկյան համակարգում:
