ԱՄՆ նախկին նախագահ Դոնալդ Թրամփը հայտարարել է, որ չի կարող բացահայտել 2024 թվականի նախընտրական արշավի ծրագրերը, սակայն դրանք, ըստ Թրամփի, «կուրախացնեն ամերիկացիներին»:
«Քանի որ քարոզարշավի ֆինանսավորման օրենքները բարդ են և աներևակայելի հիմար, ես իրավունք չունեմ հրապարակել քարոզարշավի ծրագրերը: Բայց թույլ տվեք այսպես ասել. դուք երջանիկ կլինեք, մեր բազմաթիվ ընկերներ երջանիկ կլինեն», ասել է Թրամփը FoxNews-ին տված հարցազրույցում: Այսպիսով, հանրապետականը մեկնաբանել է այն հարցը, արդյոք նախատեսում է մասնակցել 2024 թ․ ԱՄՆ նախագահական ընտրություններին:
Ավելի վաղ Թրամփը հայտնել էր, որ արդեն որոշում է կայացրել գալիք ընտրություններին հնարավոր մասնակցության վերաբերյալ: Նա միաժամանակ վստահություն էր հայտնել, որ հանրապետական թեկնածու կհաղթի ԱՄՆ-ի ղեկավարի ընտրություններում 2024 թվականին:
