Թուրքիայի արտգործնախարար Մևլութ Չավուշօղլուն հանդես է եկել Ուկրաինայի և Վրաստանի՝ ՆԱՏՕ-ին անդամակցելու գաղափարի աջակցությամբ:
«Մենք պաշտպանում ենք Ուկրաինայի տարածքային ամբողջականությունը, չենք ճանաչում Ղրիմի բռնակցումը: Կարծում եմ, որ մենք պետք է շարունակենք աջակցել Ուկրաինային և Վրաստանին, և ոչ միայն տարածքային ամբողջականության խնդիրների պատճառով․ պետք է նաև հակազդել նրանց ներուժի վրա հարձակումներին և աջակցել նրանց շարժմանը դեպի ՆԱՏՕ», – ասել է Չավուշօղլուն՝ ելույթ ունենալով Վարշավայի անվտանգության ֆորումի ժամանակ:
Նա հավելել է, որ միևնույն ժամանակ, Թուրքիայի հարաբերությունները Ռուսաստանի հետ կառուցողական են, և շարունակվում են ինտենսիվ դիվանագիտական շփումները ՌԴ հետ, հաղորդում է ՌԻԱ գործակալությունը:
