Թուրքիան «հարյուրավոր» անձանց է տեղակայել Սիրիայի հյուսիսում՝ ԱՄՆ-ի կողմից աջակցվող քրդական ուժերի դեմ հարձակում սկսելու համար, հայտնում է Bloomberg-ը՝ հղում անելով պաշտոնական աղբյուրներին։
Նշվում է, որ Անկարան մտադիր է գրավել Քոբանի քաղաքից հարավ գտնվող տարածքները, որպեսզի միավորի իր վերահսկողության տակ գտնվող տարածքները Եփրատ գետից արևմուտք և արևելք։
Աղբյուրների համաձայն՝ թուրքական իշխանությունների մեկ այլ հավանական թիրախ կարող է լինել Մենագ օդանավակայանը, որտեղ իշխանություն են հաստատել Քրդստանի աշխատավորական կուսակցությունը և Թուրքիայում արգելված Սիրիացի քրդերի ինքնապաշտպանական ուժերը։
Անկարայի այս քայլը կարող է օգնել նախագահ Ռեջեփ Թայիփ Էրդողանին ԱՄՆ-ի և Ռուսաստանի վրա ճնշում գործադրել քրդական ուժերին «խաղաղեցնելու» համար, գրում է Bloomberg-ը:
