Թալիբան շարժումը միջոցներ է ձեռնարկում Աֆղանստանում ԻՊ ահաբեկչական խմբավորման («Իսլամական պետություն») անդամներին ամբողջությամբ ոչնչացնելու ուղղությամբ: Այս մասին այսօր հայտարարել է Աֆղանստանի ժամանակավոր կառավարության մշակույթի և տեղեկատվության փոխնախարար Զաբիհուլլա Մոջահիդը:
Նրա խոսքով՝ Աֆղանստանում ԻՊ անդամների թիվն աննշան է, քանի որ վերջին տարիների ընթացքում թալիբներին հաջողվել է նվազեցնել նրանց ներկայությունը այնպիսի տարածքներում, ինչպիսիք են Ջելալաբադը և Քաբուլը: Թալիբանի ներկայացուցիչը հավաստիացրել է, որ երկիրն ակտիվորեն իրականացնում է օպերատիվ ու հետախուզական գործունեություն, որոնց արդյունքում ԻՊ անդամները կձերբակալվեն և կկանգնեն դատարանի առաջ, գրում է «ՌԻԱ» գործակալությունը:
